![]()
我地觉得，吃就要吃最好。
广食妹，带你寻味广州本土美食之——茶餐厅。
![]()
茶餐厅——起源于香港，系香港地痞文化，与半中半西文化相融的结果
![]()
50年代，香港人受西方文化影响，大家都想“饮西茶”（咖啡）但又无钱去高级西餐厅，因此茶餐厅呢种价格低廉嘅平民餐厅就应运而生。
![]()
香港回归后，茶餐厅文化好快就风靡到与其文化相近的广州，成为广式平民快餐文化的经典代表。
![]()
茶餐厅同其他任何主流嘅餐厅完全唔同，比起服务更加讲求速度，菜式跨越中西，有牛河又有意粉，有奶茶亦有炖汤。能让中西饮食文化如此融合的地方，全世界只有茶餐厅。
“吴系”位于天河东，就系太古汇行前几步落个楼梯就到。呢间茶餐厅虽然均价唔低，但系出品一流。我写呢篇攻略之前已经去吃过好多次，每次都点唔同嘅嘢试，但系基本无踩过雷。好值得大家专程走去吃。
![]()
大众点评上推荐率比较高噶招牌冰镇奶茶，茶味比甜味更突出，饮完唔会有差奶茶果种酸味，但唔至于惊艳。总体来讲，值得一试但唔系必点。▼
![]()
反而比较推荐大家试下距嘅西多士同饭类。西多士D花生酱好够味又唔会太甜，吃完唔会觉得好腻口。▼
饭都好鬼大份，小鸟胃嘅女仔可以两个人吃一份，距D芡汁全部都打得好剔透同够味，而且D食材炒出来好有色泽，师傅火候把握得好。
![]()
上次走去盲点，要左个粟米斑腩饭，点知超级好味,大家可以走去试试。但大众点评完全无推荐，建议大家吃野都系要多试试，话唔定就可以试到一个超级适合自己口味嘅菜品。
![]()
窝蛋免治牛肉饭都极力推荐，入边D牛肉好滑，摞D牛肉汁来捞饭简直正到爆，所以好多人会点。对于我呢种好中意吃饭嘅人来讲，简直霖下都流三尺口水。
永盈系广州第一间港式茶餐厅，系几个老城区都有开。出品有D唔稳定，但胜在经典。平时去得最多就系北京路果间，只要行到都会行入去坐低叫D野吃。永盈做得比较好嘅有汤粉类，系其他地方难以复制嘅味道。
鲜虾云吞面系永盈最多人点，我试过两次，但更加中意蟹饺，不过大家口味都唔同。云吞入边有大大只虾，鲜味好足，只虾都比较弹牙。汤底清，但就系有永盈自己独特嘅味道。▼
永盈嘅猪扒包唔知大家有无试过，够猪扒都几大下，包口感偏脆，同够扒好搭，如果比D酱就更好啦。▼
上次走去点左个湿炒牛河，之前无试过。点知超级好味，一吃吃左两大碟，当时摞上来觉得个卖相好麻麻，无太多期待，但吃起身就完全停唔到口.....我最中意呢D朴实嘅菜。
▼
![]()
华星冰室绝对是“星店”,本身就系明星开嘅，谭咏麟距地都有股份。系香港好多明星会专登走去光顾,陈奕迅算系真爱粉。开到来广州好似无香港甘火爆，因为出品相较于香港本地差左少少，不过几个经典菜都值得一试。
![]()
黑松露炒蛋炒得好嫩滑，就着多士吃很不错，单吃的话可能会有D偏淡，多士上有一层盐，所以和多士一起吃味道更佳。▼
招牌校长多士，外脆内软，不愧招牌菜。闻起身已经有很香嘅焊面包味，咬落脆卜卜。校长虽然个表面好似烧燶左甘，但系其实系紫菜来嘅，上面有层热既芝士，除左面包香仲有芝士香。值得一试。▼
![]()
一口西多士评价比较两极化，有人就觉得软软地有d脆。加d炼奶就刚刚好，有人就觉得太硬顶唔顺，我吃果时就觉得有D偏软，炼奶都比得唔系好够。吃呢个要靠运气......▼
![]()
广九性价比最高，出左名分量足，出品又稳定，价格又便。第一间店就开系烈士陵园b2出口，一上来就在右手边。平时去到基本都要排队，可见人气真系好高。
牛角包嘅猪扒超大块！绝对良心企业，表面烤焗得好香脆，包入边又唔会太干，牛油味都几香。入边够猪扒炸得出色，炸粉唔厚，猪扒肉质厚而嫩口，吃下吃下会有肉汁飚出来，好正！▼
芝心猪扒意粉，比大家嘅建议系，如果无足够信心唔好一个人点，因为真系好鬼大份，够猪扒分分钟大过自己块面。猪扒外表炸得几松脆下，但肉质一般，不过淋左D酱味道都唔错，仲可以配饭或者单点。▼
![]()
番茄浓汤餐蛋公仔面，号称系新鲜番茄制作而成，酸度同甜味都十分适中，
唔似有放好多番茄酱或者酸甜酱来调配，汤底十分浓厚，公仔面就系似普通即食面，不过配合汤底十分正，个人最爱！▼
![]()
脆炸墨鱼丸，广九嘅经典小吃。16元10粒，好抵！上边配有黄芥末酱，配合炸物最合适不过。一定要热辣辣食，外层好香脆，肉质弹牙，不过冻咗就会变硬，所以一定要趁热吃。▼
九龙冰室据闻同华星冰室同属一个集团，两间都有一口西多士同黑松露炒蛋，但九龙嘅招牌主打炸豆腐,芝士丸同埋蛋挞，味道都好好，但系九龙有个问题就系唔同店出品会有差别，比较推荐大家走去正佳分店吃，出品会比较好。
![]()
九龙冰室首推怀旧酥皮蛋挞，味道确实好怀旧，比好多出边面包店卖嘅都好吃好多！出边层酥皮烤得超级香脆，好香口，而入边个蛋唔会太甜，配合出边层挞皮刚好，完美！▼
![]()
距地D挞皮真系做得好好，可以睇到真系金金地色，又唔会太漏！▼
![]()
招牌炸豆腐虽话说系招牌，但我觉得王子拉茶嘅炸豆腐会更加好味，不过九龙嘅炸豆腐酱汁就更浓厚D，要睇大家自己口味偏向。▼
![]()
九龙嘅芝士丸都系招牌之一，味道唔错，一口咬下去，满口芝士爆浆，好香，芝士丸入边嘅芝士味道好浓厚，够丸几弹牙，作为餐前小吃系唔错嘅选择。▼
![]()
九龙嘅一口西多士同华星无么区别，毕竟大家都系同一个老细，但松露炒蛋就好似系华星会更加好味，唔知系咪错觉....▼
.
表哥茶餐厅系广州已经开到四围都系，出品同广九差唔多但分量就差得远,每日路过都会见到唔少人走去排队，表哥比较出名嘅系距地好具特色嘅西多士，而我吃过比较推荐嘅菜式系鳗鱼饭，唔推荐上左大众点评推荐菜嘅干炒牛河...味道好一般。
表哥招牌多士出品好过后边嘅翠华同太兴，好多人过到来都一定会叫一份。
▼
鳗鱼炒饭去到经常会吃，因为其他菜比较容易踩雷，鳗鱼炒饭基本每个分店都发挥稳定，炒饭粒粒分明，入边D青菜粒爽口。▼
![]()
太兴同样系由香港开到广州嘅一间正宗港式茶餐厅，但系广州嘅味道不出所料，同翠华一样大打折扣，但每次路过依然都会大排长龙，最近人气好似无之前甘高，可能因为大家选择多左。虽然出品同香港有唔少差距，但广州太兴依然都系有D唔错嘅菜式嘅。
![]()
太兴个雪糕厚多士出品唔错，相较于其他菜式嘅分量，雪糕厚多士明显公道好多，可以2-3个人分来吃，味道都好好，冻冻嘅雪糕配合多士沙沙嘅口感，正！▼
烧味拼盘请大家避免踩雷，出品浮动得太厉害，完全睇人品，系大众点评已经比唔少人闹爆话太咸，同肉质差，我去试过觉得无甘衰，但大家都系慎点....▼
混酱肠粉系到力荐，每次吃都觉得超正，我一个人可以扫晒一碟无压力，两种酱味道好夹，每啖都满口酱，同味道清淡嘅肠粉简直绝配。
![]()
